Yadon se teri dil ka ajab haal hua hay
Efforts: Syed-Rizwan Rizvi

Yadon se teri dil ka ajab haal hua hay
Armanon ka ghar din ke ujalon may luta hay
Aey wajhe Khuda chehre say parday ko hata day
Ab jo hay usay hasrat e deedar e Khuda hay

Be wajha nahi utha hay daryaon may toofan
Kia hijr ka kuch haal areezay may likha hay

Khaliq ne banaya tujhe hamnam e payambar
Har lab pe teray naam par ab salle ala hay

Islam ki awaz hay eeman ka andaz
Quran tera kirdar hay firdos ata hay