Efforts: Syed-Rizwan Rizvi
Naad e Ali ka wird jo karti chali gayi Umre rawan sukoon say guzarti chali gayi Jis nay dar e Hussain pe sar ko jhuka diya Wo shakhsiyat jahan may ubharti chali gayie Deewana waar loag bhi martay chalay gaye Taigh e Ali jidher say guzarti chali gaye Marhab hawa may uchla jo kha ker Ali ki zarb Haathon se taigh pairon se dharti chali gayi Duniya se zikr e Aal e Muhammad na ruk saka Duniya yeh aarzoo liye marti chali gayi Maidan me tegh dasht me tegh-e-Ali na pooch Sar se chali badan mei utarti chali gayi Fouj e udu pay daal ke ek sar sari nigaah Sar ko uraati sar se guzerti chali gayi Maot aarahi thi dekha jo lab per Ali ka naam Mujh se mile bagair guzarti chali gayi Gohar lahad me pohancha jo ashk e aza liye Ik roshni lahed may utarti chali gayi