Efforts: Syed-Rizwan Rizvi
Chahta hay jee yehi aey noor e yazdani Hussain Umr bhar karta rahoon teri sana khani Hussain Azmat e Kaaba bhi hay ab us ki azmat par nisar Tu ne kal jis khaak par rakhi thi peshani Hussain Kaisay mumkin tha ke harf aata koi Islam par Kar rahay thay khud shariyat ki nigehbani Hussain Har taraf se zulmaton ne ghair rakha tha magar Tu ne kam honay na di maah ki tabani Hussain Karbala ki khaak par jis ki bina rakhi gayi Us nayi tehzeeb e insani ke hain bani Hussain Dekh le dunya amal Quran par karta hay kon Mangtay thay dushmano se is liye pani Hussain Chaltay chaltay yak ba yak qatil ka khanjar ruk gaya Parrh rahay thay zair e lab aayat e Qurani Hussain Jal raha tha aag may khaimo ki jab Zainab ka dil Dekhti thi teri janab ghar ke veerani Hussain Hain yehi asbab aey Mojiz sukoon e zindagi Majlis o matam mahafil marsia khawani Hussain