Efforts: Syed-Rizwan Rizvi
Khayal e Khaliq e Akbar ka ham khayal Hussain Jisay zawal nahi hay wo la zawal Hussain Bashar ke roop may Allah ki misaal Hussain Dil e Rasool ki dharkan Ali ka laal Hussain Hussain jaisay kisi ke bhi walidain nahi Bohat haseen hain Yousuf magar Hussain nahi Samandaron ne kia jis ki tashnagi ko salam Namaz karti rahi jis ki bandagi salam Kiya hay moat ne khud jis ki zindagi ko salam Zamana karta hay ab tak usi jari ko salam Hayat moat ke sael ko baant deta hay Hussain taigh ko sheh rag se kaat deta hay Ye kainat hay riasat raees hay Shabiir Dabeer e ishq Khuda ka anees hay Shabbir Nafas nafas ki sada hay nafees hay Shabbir Qasam Habib ki qismat nawees hay Shabbir Khuda ke lehjay may aksar kalam karta hay Hussain Hur ko alaihis salam karta hay Hussain sabr hay eesar hay muhabbat hay Hussain ishq ke mazmoon ki ibarat hay Hussain Rehmatul lil aaleemen pe rehmay hay Hussain koi fasana nahi haqeeqat hay Jahan may ab bhi sheh e mashraqain baqi hay Yazeed mit gaya naam e Hussain baqi hay Diya bujha ke jo roshan karay zameer e bashar Jo kainat may rakhta hay Hur shinas nazar Jo chashme e ghaiz se kar day jahan ko zair o zabar Hussain zakir e mabood hay teh e khanjar Kamal e azm e Muhammad dikha diya jis ne Sagheer betay ko ghazi bana diya jis ne Kaheen tabassum e Asghar kaheen Hasan hay Hussain Kaheen pe Ghazi kaheen aks e Panjtan hay Hussain Kaheen akaila kaheen khuda may anjuman hay Hussain Misal e Haider e Karrar saf shikan hay Hussain Har ik muhaaz pe ghalib dikhayi deta hay Hussain to Abu Talib dikhayi deta hay Hussain khaliq e khak e shifa Maseeha bhi Hussain faiz ka darya hay aur pyasa bhi Hussain mazhar e Rab hay Khuda ka banda bhi Hussain lakhon pe bhari raha akaila bhi Hussain ne Abu Talib ke janasheen ki tarha Ulat ke rakh diya maidaan aasteen ki tarha Ghareeb aisa ke ghurbat nisar ho jis par Shaheed aisa shahadat nisar ho jis par Zaheen aisa zihanat nisar ho jis par Imam aisa imamat nisar ho jis par Nizam e deen o shariat ki laaj rakhta hay Hussain ab bhi Khuda ka mizaj rakhta hay Ana parast ghareebon ka charasaz Hussain Wiqar e Aal e Muhammad Nabi ka naaz Hussain Qasam Khuda ki Khuda honay ka jawaz Hussain Kaho ye Meer Takallum meri namaz Hussain Nabi se pooch lo kia martaba Hussain ka Ye kainat Khuda ki Khuda Hussain ka hay