Mout ki aaghosh may thak kar jo so jati hay maa Efforts: Syed-Rizwan Rizvi

موت کی آغوش میں جب تھک کے سو جاتی ہے ماں تب کہیں جا کر رضا تھوڑا سکوں پانی ہے ماں فکر میں بچوں کی کچھ اس طرح گھل جاتی ہے ماں نوجواں ہوتے ہوۓ بوڑھی نظر آتی ہے ماں اپنے پہلو میں لٹا کر روز طوطے کی طرح ایک بارہ پانچ چودہ ہم کو رٹواتی ہے ماں گھر سے جب پردیس جاتا ہے کوئ نور نظر ہاتھ میں قرآن لے کر در پہ آجاتی ہے ماں چاہے ہم خوشیوں میں ماں کو بھول جائيں دوستوں جب مصیبت سر پہ پڑتی ہے تو یاد آتی ہے ماں یاد آتا ہے شب عاشور کا کڑیل جواں جب کبھی الجھی ہوئ زلفوں کو سلجھاتی ہے ماں جب تلک یہ ہاتھ ہيں ہمشیر بے پردہ نہ ہو اک بہادر باوفا بیٹے سے فرماتی ہے ماں پیار کہتے ہیں کسے اور مامتا کیا چیز ہے کوئ ان بچوں سے پوچھے جن کی مرجاتی ہے ماں اپنے غم کو بھول کر روتے ہیں جو شبیر کو ان کے اشکوں کے لیے جنت سے آجاتی ہے ماں شکریہ ہو ہی نہیں سکتا کبھی ماں کا ادا مرتے مرتے بھی دعا جینے کی دے جاتی ہے ماں