Dar e Khaibar Efforts: Syed-Rizwan Rizvi

Dar e Khaiber hoon Khaibar naam se shohrat hay is dar ki Shararat dekhi 39 din tak sab ne lashkar ki Magar chaleewain din may ne dekhi jang Haider ki Meray kano se takrayain sadayain fath-e-Khaibar ki Bata Marhab ko hisson may to may ne dekha ghabra kar Ruki tegh e Yadullahi par-e-Jibreel par aa kar Hay mera wazn kitna pooch lena ahl e Khaibar se Kahan do chaar insaan samnay aatay dar se Dar e Khaibar hoon leta kaam hoon may beeson nokar se Haqeeqat khol di meri Ali ne aik thokar se Alag kar ke mujhe deewar se yun Sheh ne chorra hay Ke jaise baghbaan ne daal se ik phool torra hay Hazaron log dhakkay de rahay thay raat bhi mujh ko Magar aati rahi meray hi bhari pan se ghin mujh ko Sadayain charcharahat ki karain kiya mutmayin mujh ko Bhala neendain kahan aateen meray Mola ke bin mujh ko Zameen se uth ke khud ko aasmaan ke hath may paya Ke choonti ki tarha dast e Sulaiman par nazar aaya Zamanay ki nigahon may tha may koh e garaan gar cheh Na khulta kalla e Khaibar to barrhtay aur bhi kharchay Meray seenay pe mazbooti ke chipkaye gaye parchay Pehlwano may meray wazn ke hotay rahay charchay Gharoor e wazn ka saghar kayi muddat se chalka tha Ali ne choo ke batlaya ke may kaghaz se halka tha Jahan walay samajhtay thay mujhe mazboot darwaza Bikhar kar reh gaya pal may dar-e-Khaibar ka sheeraza Bhugatna hi parra yun apni mazbooti ka khamyaza Ki ko bhi nahi hay shair ki taqat ka andaza Amir al-Mominee ke hath may to aisa lagta hoon Ke jaise may dar e Khaibar nahi ik khushk patta hoon Kiya do ungliyon par sheh ne mujh ko is qadar ooncha Hawa ne kar liya Maula ko apnay dosh par ooncha Khushi se ho gaya phir Khana e Kaaba ka sar ooncha Mujeeb is farsh par hay mujh se barh kar koi dar ooncha Bulandi mil gayi hay to falak ki sair kar aaon Ali dain hukm to taray falak se toar kar laoon