Woh cheh mahinay may sadyon ki baat chorr gaya Efforts: Syed-Rizwan Rizvi

Woh cheh mahinay may sadyon ki baat chorr gaya Basi basayi hui kainat chorr gaya Jo mangi deen ne Asghar se umar lamhon ki Wo apnay hissay ki poori hayat chorr gaya Wo aasman se barish zameen par faslain Sagheer apnay lahoo ki zakat chorr gaya Ab har jawan ke liye fakhr hay azan dena Azan may janay wo kaisi sifat chorr gaya Adoo se cheen ke ik tashna lab mujahid ne Piye baghair hi nehr e furat chorr gaya Ho dor e zulm may kis tarha matam e Sarwar Bas ik sawal par wo dono hath chorr gaya Dar e Hussain par Hur aa ke subh e Aashoora Yazidiyon ke muqaddar may raat chorr gaya Mujeeb Fatimi roomal Hur ne bandhwa kar Hamary wastay raah e najat chorr gaya