Efforts: Syed-Rizwan Rizvi
Bint e Ahmed madar e Shabbir o Shabbar Fatima Zaamin e nasl e Nabi tafseer e Kausar Fatima Tahira tera laqab hey Syeda tera khitab Chadar e tat-her hay teri hi chadar Fatima Na khudaye kahstiye deen e Nabi teray pisar Khalq ka mushkil kusha tera hi shohar Fatima Shabbar o Shabbir sardar e jawanan e Jinaan Saqi e kausar Ali khatoon e mehshar Fatima Dekhnay may paanch hain kamli may laikin aik hain Ahmed e Mursal Ali Shabbir o Shabbar Fatima Jo masaib tujh pe guzray baad e haqqe ambiya Raat ho jatay guzartay gar dino par Fatima Baad e rehlat bhi na tujh ko chain se rehnay diya Munhadim kar di teri qabr e mutah-har Fatima Baap par ronay ko ye dono taras kar mar gayeen Ik Sakina aur ik bint e payambar Fatima Zakir e bint e Nabi hain khof kia zahir tujhe Teri kar dain gi sifarish roz e mehshar Fatima