Zindaan main nahin ati, kyun taaza hawa bhaiya
Sajjad Sakina ko, murney sey bacha bhaiya
Paani nahin maangoon gi, bachon ko sambhaloon gi
In chotay say haathoon se, teray kaantay nikaloon gi
Ek baar Sakina ko, tu pass bula bhaiya
Jis nay mujhay maara tha, woh khwaab main aata hai
Mai so bhi nahin sakti, kuch aisay darata hai
Sajaad mujh ay de do, Bahon main pannah bhaiya
karti hai behan wada, baba ko na roye gi
ashqon sey kabhi apna, daman na bhigoey gi
inn gor undehron se, karva dey reha bhaiya
Jeeti thi Imamat kai, main paak savairon main
Ab meri guzarti hai, zindaan kai andheron main
Is waqat bhi rassi main, hai mera gala bhaiya
Deewaron se zindaan ki, takra k main girti hoon
Phir dair talak bhaiyya, tanhai main sisakti hoon
Aa rait k bistar seh (x2) Bhaina ko utha bhaiya.
Behlatay thay sab mujh ko, jis waqt mein roti thi
Hai saari khabar tum ko, kis ja pe main soti thi
Aa dekh Sakina ko (x2) Kya haal howa bhayah
Sajjad tere ghaam main, jo ashkh bahaey ga
Jo halqa-e-matam main, sir peet-ta aaye ga
Tauqeer dilaongi (x2) Wada hay mera bhaiya
|