Karti thi bain ran may ro ro ke haey Zainab
Aey bhai tera laasha kaise uthaey Zainab
Karti thi bain ran may ro ro ke haey Zainab
1) Abbas hain na Akbar sab qatl ho chuke hay
Koi nahi hay zinda kisko bulaye Zainab
Karti thi bain ran may ro ro ke haey Zainab
2) Kaise uthaey aa kar tapti huwi zameen se
Saaye may tera laasha kis tarha laaye Zainab
Karti thi bain ran may ro ro ke haey Zainab
3) Sunta nahi hay koi faryaad bekason ki
Kya kya sitam huay hain kisko bataye Zainab
Karti thi bain ran may ro ro ke haey Zainab
4) Baba ki muntazir hay dar par khari Sakina
Sheh qatl ho chuke hain kaise bataaye Zainab
Karti thi bain ran may ro ro ke haey Zainab
5) Abbas-e-bawafa ka laasha tarap raha tha
Jab ran may zaalimo ne cheeni ridaye Zainab
Karti thi bain ran may ro ro ke haey Zainab
6) Sar par rida nahi hay khaime bhi jal chuke hain
Maidaan may ro rahi hay sar ko jhukaye Zainab
Karti thi bain ran may ro ro ke haey Zainab
7) Zainab ne yu tarap kar Abbas ko sada di
Thar-ra rahay thay laashay sunkar sadaye Zainab
Karti thi bain ran may ro ro ke haey Zainab
8) Abbas jald aao chaane lagay andheray
Dashte bala may tanha ghabra na jaaye Zainab
Karti thi bain ran may ro ro ke haey Zainab
9) Dil kyun na khoon roye jaati hay qaid ho kar
Aayi hay kis tarha se kya bhool jaaye Zainab
Karti thi bain ran may ro ro ke haey Zainab
10) Nasir dua hay meri bibi meri qabool kar le
Gowhar jo likh rah hay nowhe baraey Zainab
Karti thi bain ran may ro ro ke haey Zainab
|