Zehr say tukray kaleja ho gaya
Mujtaba par zulm kaisa ho gaya
1) Poocha Zainab ne ke achay thay abhi
Dekhtay hi dekhtay kiya ho gaya
Zehr say tukray kaleja ho gaya
2) Kuch wasiyat kar rahay thay Mujtaba
Naagahan tabdeel naqsha ho gaya
Zehr say tukray kaleja ho gaya
3) Bolay Shabbar aah tum se kya kahain
Aey behan tukray kaleja ho gaya
Zehr say tukray kaleja ho gaya
4) Haath uthaya aur khuda Hafiz kaha
Kuch na tha phir hashr barpa ho gaya
Zehr say tukray kaleja ho gaya
5) Teer barsay is qadar taboot par
Soorate tarkash janaza ho gaya
Zehr say tukray kaleja ho gaya
6) Qais do aansu baha kar bazm may
Apni bakshish ka sahara ho gaya
Zehr say tukray kaleja ho gaya
|