Efforts: Syed-Rizwan Rizvi
جب مجھے آپ کے قاتل نے ہے مارا بابا
ہر طمانچے پہ سکینہؑ نے پکارا بابا
مجھے بالوں سے پکڑ کر ہیں طمانچے مارے
میں نے سَر شمر سے مانگا جو تمہارا بابا
وہ جو دُر آپ نے تحفے میں مجھے بخشے تھے
اُن کو بے دردی سے ظالم نے اُتارا بابا
آپ کے سینے پہ آرام سے سونے والی
سو کے اب خاک پر کرتی ہے گزارا بابا
ساتھ رہواروں کے دوڑایا گیا ہے مجھ کو
چُور زخموں سے بدن میرا ہے سارا بابا
نوکِ نیزہ پہ اُسے دیکھوں تو دیکھوں کیسے
میرا اصغرؑ تھا مجھے جان سے پیارا بابا