Sajjad ke jigar ka ankhon se khoon rawan Efforts: Syed-Rizwan Rizvi

سجّادؑ کے جگر کا ، آنکھوں سے خوں رواں روتی زمیں ہے ساری، روتا ہے آسماں یہ کون سا جواں ہے ، جس کا ہے سَر جُھکا لگتا ہے بے کسوں کا ، سالارِ قافلہ طوقِ گراں گلے میں ، پیروں میں بیڑیاں کرب و بلا میں جس کے بابا کا سر کٹا بے کس تھا دیکھتا تھا ، کچھ بھی نہ کر سکا جس کا جوان بھائی ، کھاتا تھا برچھیاں نازک سی ایک بچی کے ہاتھوں میں رسن ہاتھوں سے منہ چُھپا کر ، روتی تھی خستہ تن زخمی ہیں کان اُس کے ، زخمی کلائیاں پتھر نہ مارو ٹھہرو ، پہچانو تم ذرا یہ بی بیاں نبی کے گھر کی ہیں با خدا بازار میں لے آئے ، زہراؑ کی بیٹیاں بابا کے سر سے عابدؑ کہتا تھا نوحہ گر کیسے جئے گی اکبرؑ کے سر کو دیکھ کر دیتی رہی ہے مادرِ ، اکبرؑ دُہائیاں تھک کر کبھی رُکی جو زینبؑ شکستہ تن نیزوں سے ظالموں نے زخمی کیا بدن مثلِ حسینؑ زینبؑ ، کی توڑی پسلیاں رضوانؔ نے سنی ہیں ماؤں کی سسکیاں بہنوں کی آہ و زاری بوذرؔ پہ ہے گَراں اب کون ہے کرے جو مُشکل کشائیاں