Pukari Efforts: Syed-Rizwan Rizvi

پکاری زینبِ کبریٰ - ائے مِرے بابا نہ چھوڑ جائیے تنہا - ائے مِرے بابا یہ کیسی شب ہے مجھے کیوں سکوں نہیں ملتا نمازِ شب میں بھی گریہ مِرا نہیں تھمتا قرار ہی نہیں ملتا - ائے مِرے بابا سُنا ہے مسجدِ کوفہ میں ہو گیا محشر شقی نے آپ کے سر پر چلا دیا خنجر نہیں ہے دل کو سہارا - ائے مِرے بابا یہ گریہ کیسا ہے روتی ہے مسجدِ کوفہ نمازی روتے ہیں کیونکر مجھے بتاؤ بھلا مِرا جگر ہے دو پارا - ائے مِرے بابا یہ سوچتی ہوں تو دل ڈوب جاتا ہے میرا ابھی تو ماں کا بھی صدمہ نہ میں نے ہے بھولا ملے نہ صدمہ دوبارہ - ائے مِرے بابا یوں خاک و خون میں غلطاں تمہیں جو دیکھا ہے مِرے کلیجے پہ خنجر سا جیسے چلتا ہے غضب کا ہے یہ نظارہ - ائے مِرے بابا میں اپنے اشک کو مرہم بناؤں گی بابا تمہارے زخموں پہ اِس کو لگاؤں گی بابا ہے سَر شکستہ تمہارا - ائے مِرے بابا جنازہ ہو گیا تیار ہے نکلنے کو الم سے دل مِرا اب خون ہے اگلنے کو نہیں ہے ضبط کا یارا - ائے مِرے بابا جنابِ زینبؑ و حسنینؑ خون روتے ہیں صدائے گریہ سے رضوان سر پٹکتے ہیں جنازہ گھر سے سِدھارا - ائے مِرے بابا