Sajjad ki ankhon se lahoo is liye barsa Efforts: Syed-Rizwan Rizvi

سجادؑ کے ہوتے ہوئے بابا گیا مارا سجادؑ کی آنکھوں سے لہو اِس لئے برسا سہمے ہوئے بچوں کو لئے ساتھ میں اپنے ماں بہنوں کو جاتے ہوئے بازار میں دیکھا سجادؑ کی آنکھوں سے لہو اس لئے برسا اونٹوں کو پلایا کبھی صحرا میں بہایا لیکن نہ سکینہؑ کو دیا ایک بھی قطرہ سجادؑ کی آنکھوں سے لہو اس لئے برسا تلواروں سے نیزوں سے بدن کر دیا زخمی گر غم سے کسی بی بی نے برپا کیا گریہ سجادؑ کی آنکھوں سے لہو اس لئے برسا سیدانیوں کے ہاتھ تو رسی سے بندھے تھے منہ پر لگا پتھر جو کسی نے کوئی مارا سجادؑ کی آنکھوں سے لہو اس لئے برسا برپا ہوا محشر نہ رہا ضبط کا یارا جب شمر نے دربار میں زینبؑ کو پُکارا سجادؑ کی آنکھوں سے لہو اس لئے برسا غش کھا کے کوئی بی بی جو رستے میں گری ہے ظالم نے اُسے دُرّوں کی بارش سے اُٹھایا سجادؑ کی آنکھوں سے لہو اس لئے برسا زنجیر بندھے ہاتھوں سے تربت میں اتارا زنداں کے اندھیروں میں سکینہؑ کا وہ لاشہ سجادؑ کی آنکھوں سے لہو اس لئے برسا سوکھا گلا بابا کا نگاہوں میں سمایا پانی کبھی سجادؑ کے جب سامنے آیا سجادؑ کی آنکھوں سے لہو اس لئے برسا بابا کے کٹے سر سے یہ کہتا تھا مہاری بابا تمہیں دفنا نہ سکا بیٹا تمہارا سجادؑ کی آنکھوں سے لہو اس لئے برسا رضوان نبی زادیوں کو ساتھ میں لے کر مولاؑ نے بڑے کرب سے وہ وقت گزارا سجادؑ کی آنکھوں سے لہو اس لئے برسا