Kash Abbas Na Maray Jatay Efforts: Syeda Aylia Abidi

کاش عباس نہ مارے جاتے کاش عباس نہ مارے جاتے دونوں بازو وہ شہنشاہِ وفا کے تھامے لاشِ عباس پہ شبیر بکا کرتے تھے بھائی تم بعد ہمارے جاتے کاش عباس نہ مارے جاتے اس طرح لگتی نہ اکبر کے کلیجے میں سناء اس طرح ہوتی نہ سادات کے خیموں میں فغاں یوں نہ زینب کے سہارے جاتے کاش عباس نہ مارے جاتے گردنِ شاہ پہ یوں رن میں نہ خنجر چلتا یوں نہ خورشیدِ امامت سرِ مقتل ڈھلتا یوں نہ سر نیزوں پہ سارے جاتے کاش عباس نہ مارےجاتے ہوتے عباسِ دلاور تو نہ خیمے جلتے شامِ غربت نہ سکینہ کو طمانچے لگتے گوشوارے نہ اتارے جاتے کاش عباس نہ مارے جاتے ہو کے پابند ِرسن سید ِسجاد چلے نہر کو دیکھ کے روتے ہوئے یہ کہنے لگے سب وطن ساتھ ہمارے جاتے کاش عباس نہ مارے جاتے ہوتے عباس تو چھنتی نہ ردا زینب کی پائوں میں عابد ِمضطر کے نہ بیڑی ڈلتی تازیانے بھی نہ مارے جاتے کاش عباس نہ مارے جاتے کبھی چہرہ کبھی بازو کبھی سینہ پیٹا قید خانے سے وطن آئی تو زینب نے کہا دن نہ یوں غم میں گزارے جاتے کاش عباس نہ مارے جاتے آج بھی آتی ہے یہ قبر ِسکینہ سے صدا اے چچا لاتی نہ زندان میں یوں ہم کو قضا ساتھ گر ہم بھی تمہارے جاتے کاش عباس نہ مارے جاتے حالِ کربل جو کوئی پوچھتا تھا نور علی رو کہ زینب یہی کہتی تھی سدا نور علی کاش عباس نہ مارے جاتے کاش عباس نہ مارے جاتے