NA BHUL JANA WASIYAT MERI, MERE QASIM (a.s.)
Efforts: Syed Asad Abbas Zaidi



SHAHEED HONE KA DUNIYA ME WAQT JAB AYA
FARISHTA MAUT KA PAIGHAM JIS GHADI LAYA
HASAN (a.s.) NE BAZOO-E-QASIM (a.s.) ME BAANDH KAR TAWEEZ
LAGAYA SEENE SE QASIM (a.s.) KO AUR YE FARMAYA

NA BHUL JANA WASIYAT MERI MERE QASIM (a.s.)
CHACHA SE DOOR NA REHNA KABHI MERE QASIM (a.s.)

TUMHE QASAM HAI NA MAHSOOS HONE DENA TUM
MERE HUSAIN (a.s.) KO MERI KAMI MERE QASIM (a.s.)

CHACHA KO APNE YE TAWEEZ TUM DIKHA DENA
RIZA MILE NA AGAR MARNE KI MERE QASIM (a.s.)

TUMHARI SHADI KI MUJHKO BADI TAMANNA THI
MAGAR YE PURI NAHI HO SAKI MERE QASIM (a.s.)

SARE HUSAIN (a.s.) KI JANIB BADHE KOI KHANJAR
NA HONE DENA YE TUM JEETE JEE MERE QASIM (a.s.)

KHUDA KE DEEN KI KHATIR TUMHARE TUKDE HO’N
YE AARZOO HAI MERI AKHIRI MERE QASIM (a.s.)

HAMESHA YAAD RAKHOGE MERI WASIYAT KO
YE WADA MUJHSE KARO TUM ABHI MERE QASIM (a.s.)

MERE HUSAIN (a.s.) PA AYEGI BEKASI AISI
NA KAR SAKEGA TUMHE DAFN BHI MERE QASIM (a.s.)

TUMHARI LAASH KO DEKHEGI JAB TUMHARI MAA
TADAP KE KHAAK PE GIR JAYEGI MERE QASIM (a.s.)

KAHA IMAM NE YAQUB AUR ASAD ROKAR
TUMHE BHI ROYEGA HAR MATAMI MERE QASIM (a.s.)