Aa ja meri Sakina tujhe lori may sunaoon dardon ki maari maa hoon Efforts: Syed-Rizwan Rizvi

آ جاؤ اے سکینہؑ ، تجھے لُوری میں سناؤں دکھیاری تیری ماں ہوں تِرے بابا تو نہیں ہیں ، سینے پہ میں سُلاؤں دکھیاری تیری ماں ہوں تجھے خوف یہ بہت ہے ، کہیں شِمر آ نہ جائے پھر سے نہ ظلم ڈھائے آغوش میں چُھپا کر ، تِرا خوف میں مِٹاؤں دکھیاری تیری ماں ہوں آ جاؤ اے سکینہؑ ، تجھے لُوری میں سناؤں دُرّوں سے جسم زخمی ، کانوں سے خون جاری رو رو کے شب گزاری نادِ علیؑ سنا کے ، مرحم تجھے لگاؤں دکھیاری تیری ماں ہوں آ جاؤ اے سکینہؑ ، تجھے لُوری میں سناؤں کربل سے تا بہ کوفہ ، کوفے سے تا بہ زنداں اے تشنہ لب پریشاں میری جاں تجھے پلانے ، پانی کہاں سے لاؤں دکھیاری تیری ماں ہوں آ جاؤ اے سکینہؑ ، تجھے لُوری میں سناؤں تیری سسکیوں سے بیٹا ، دل ڈوبنے لگا ہے دم ٹوٹنے لگا ہے اصغرؑ کو کھو چکی ہوں ، کہیں تجھ کو کھو نہ جاؤں دکھیاری تیری ماں ہوں آ جاؤ اے سکینہؑ ، تجھے لُوری میں سناؤں کیوں بولتی نہیں ہو ، لب کھولتی نہیں ہو ناراض تو نہیں ہو میری جان آنکھیں کھولو ، بابا کو میں بُلاؤں دکھیاری تیری ماں ہوں آ جاؤ اے سکینہؑ ، تجھے لُوری میں سناؤں رضوان حالِ زنداں ، لکّھوں نہیں ہے آساں کہتی تھی مضطرب ماں بیٹی بتا دے کیسے ، تیری قبر میں بناؤں دکھیاری تیری ماں ہوں آ جاؤ اے سکینہؑ ، تجھے لُوری میں سناؤں