Efforts: Abbas
Gham mein dooba hua Karbal ka musafir dekha
Rotay Shabbir ko Zahra ki lehad par dekha
Apna sar maar kay deewar say roya Ghazi
Jab Nabizaadi ko aatay huye bahar dekha
Noor aankhon ka gaya katilon say puchay Hussain
Koi batlaaye kisi nay mera Akbar dekha
Door tak phaili hai Qasim ki jawani rann mein
Dair tak dhoondta phir Sibt e Payambar dekha
Ravi likhtay hain kay Sajjad ko jab hosh aaya
Jaltay khayam mein Zainab ko khulay sar dekha