Hussain walay ye ailan e aam kartay hain
Ham apnay ashkon ko Zehra ke naam kartay hain
Haqeeqaton ke fasany chupa nahi saktay
Zaban e khalq pe khanjar chala nahi saktay
Hamaray khoon ke qatray kalam kartay hain
Ham apnay ashkon ko Zehra ke naam kartay hain
Khushi ke lab hain teh e tegh zulm beet gaye
Yazeed haar gaya aur Hussain jeet gaye
Isi khabar ko zamany may aam kartay hain
Ham apnay ashkon ko Zehra ke naam kartay hain
Saja ke mashk e Sakina jari ke parcham may
Ghamon ki aag lagi di tamam aalam may
Yazeed e waqt ka jeena haram kartay hain
Ham apnay ashkon ko Zehra ke naam kartay hain
Ba fazl e Fatima Zehra Hussain ke sadqay
Lab e Khaleel pe lab par Mujeeb ke noha
Hussainio ke dilon may qayam kartay hain
Ham apnay ashkon ko Zehra ke naam kartay hain
|