Efforts: Abbas
Dastan e Shuja’at ka daraein mein aik bay misl kirdaar Abbas hai
Hain Ali kay athaara hi betay Ali par sabhi mein Alamdar Abbas hai
Sahib e takht e aqleen ghairat hai yeh
Aur chiraag-e-hareem-e-sharafat hai ye
Dor e shehwar e behr e sakhawat hai ye
Haq to yeh hai ke haq ki haqeeqat hai ye
Wo duaein jo Bibi jjh nay sajdon mein ki un duaon ka maya’ar Abbas hai
In kay lehjay mein Hashim ki hashmat bhi hai
In kay tewar mein Hamza ki haibat bhi hai
Har adaa in ki Imran ka aks hai
In ki baahon mein Jaffar ki taaqat bhi hai
Pyaar hai Mustafa ka Hussain o Hassan
Aur Hasnain ka pyaar Abbas hai
Dakhl-e-azmat ka shireen samar hai yehi
Ismaton kay sadaf kay gohar hain yehi
Noor ki sidratul muntaha hai yehi
Hashmi asmaan kay qamar hain yehi
Jin kay saaye mein Akbar bhi paltay rahay
Husn ka aisa minaar Abbas hai