Aa ja ve laal Asghar Efforts: Syed-Rizwan Rizvi

آ جا وے لال اصغرؑ ، جُھولا تیرا جُھلاواں کیوں رُس گیا ایں ماں توں ، آ جا میں واری جاواں اصغر مُھاراں موڑیں ، سنگت نہ ماں دی چھوڑیں جھولی چَوں لال دے کے ، سُکھی سَوندیاں نئیں ماواں اَے میرا نازنین اے ، ڈاڈھی گرم زمین اے آجا میں جھولی پا کے ، والاں دی چھاں بناواں اَمڑی نہ رج کے چایا ، بھینڑی نہ رج کِھڈایا آ مینڈا لال آ جا ، لوری تیکوں سُناواں پانی دی آس مک گئے ، اُجڑی دے وینڑ سُکھ گئے آجا میں تیکوں پڑھ کے ، صغراؑ دا خط سُناواں -----------------------------------------