Sabr e dasht e Nainawa Ameer e lashkar e Hussain Efforts: Syed-Rizwan Rizvi

صبرِ دشت نینوا امیرِ لشکر حسینؑ بہادران صف شکن میں اس جری کے تذکرے دلاوران تیغ زن میں اس جری کے تذکرے ہر اک وفا کی انجمن میں اس جری کے تذکرے رسول پاک کے چمن میں اس جری کے تذکرے غرور آل مصطفیۖ امیر لشکر حسینؑ صبرِ دشت نینوا امیرِ لشکر حسینؑ حسینؑ کا اخی بھی ہے حسینؑ کا غلام بھی حسینؑ کی سپر بھی ہے تبر بھی ہے حسام بھی حسینؑ کی زرہ بھی ہے کماں بھی ہے سہام بھی حسینؑ حکم دیں اگر تو شمر سے کلام بھی وگرنہ وہ کجا کجا امیر لشکر حسینؑ جو مرضی حسینؑ ہو تو فتح میں دھرا ہے کیا شعاعِ مہر کے لئے یہ شام کی گھٹا ہے کیا فرات تک نہ جانے دیں کسی میں حوصلہ ہے کیا علی کے شیر کے لئے یہ جنگِ کربلا ہے کیا اُلٹ دے تخت شام کا امیر لشکر حسینؑ صبرِ دشت نینوا امیرِ لشکر حسینؑ یزید بد نہاد سے سکون ذات چھین لے محافظین نہر سے حق حیات چھین لے جو مرضی حسینؑ ہو ابھی فرات چھین لے فرات کیا ہے یہ وہ ہے جو کائنات چھین لے بڑا بلند حوصلہ امیر لشکر حسینؑ صبرِ دشت نینوا امیرِ لشکر حسینؑ حسینؑ اذن دیں اگر ابھی یہ سب کو دیکھ لے ابھی عراق و شام کو ابھی حلب کو دیکھ لے ابھی ابھی یہ کوفیان بے ادب کو دیکھ لے مقابلہ جو آپڑے تو کل عرب کو دیکھ لے مثال شاہ لافتی امیر لشکر حسینؑ صبرِ دشت نینوا امیرِ لشکر حسینؑ مگر یہاں تو حکم ہے کہ بس علی کے شیر بس حسینؑ اپنی زندگی سے ہوچکے ہے سِیر بس قریب وقت عصر ہے بس اب مرے دلیر بس ہمارے کوچ میں کہیں مزید ہو نہ دیر بس کرے گا تابہ کے وغا امیر لشکر حسینؑ صبرِ دشت نینوا امیرِ لشکر حسینؑ