مجرئی مشتاق ہے قدسی سلام ایسا تو ہو
بزم میں شورِدرود اٹھے سلام ایسا تو ہو
ہے علیؑ اللہ کا ہم نام نام ایسا تو ہو
خانہ زادِ حق ہوا ذی الاِحترام ایسا تو ہو
یا علیؑ جب منہ سے نکلا مشکلیں آساں ہوئیں
اسمِ اعظم کا اثر رکھتا ہو نام ایسا تو ہو
جن و انس و وحش و طیر و قدسی و غِلمان و حور
سب کے سب بیعت کریں جس کی امام ایسا تو ہو
شاہِ مرداں شیرِ یزداں قوّتِ پروردگار
شاہِ مرداں فاتحِ خیبر امیر المومنیں
جانشینِ حضرتِ خیرالانام ایسا تو ہو