Jo Fatima ki rag e jaan Ali ka hay dilbar
Hussain o minni kahain jisay shafa e mehshar
Wo jis ka kar diya taraj Karbala may ghar
Musibation ki hadain khatm ho gayen jis par
Garoh e chaak gireban salam karta hay
Khayam e Sheh ka nigehban Hussain ka bhai
Wo jis ne ki thi Sakina ki ran may saqqayi
Lab e Furat katay haath jis ke, moat aayi
Wafa ne jis se jahan may hayat e nau paayi
Garoh e chaak gireban salam karta hay
Na maa ka doodh na pani mila jisay wo sagheer
Wo jis ko dekh ke tukrray jigar ho wo besheer
Wo jis ko le gaye maidan may hazrat e Shabbir
Wo jis ka nanha gala aur Huramala ka teer
Garoh e chaak gireban salam karta hay
Jo quwat e dil e Laila tha khoobro wo jawan
Wo jis ko dekh ke hota tha Mustafa ka guman
Wo jis ne ain e jawani may khayi dil pe sina
Wo jis ke biyah ka madar ko reh gaya arman
Garoh e chaak gireban salam karta hay
Wohi jo thay Shah e Karb o bala ke dil ka chain
Wo kamsini may jinhe moat aayi haey Hussain
Tha jin ki moat se khaimon may aik shor o shain
Wo yani Zainab e aali nasb ke noor e ain
Garoh e chaak gireban salam karta hay
Wo jis ko seenay pe apnay sulatay thay Sarwar
Wo jis ke kano se tapka lahoo chinay gowhar
Yateem jan ke torrin musibatain jis par
Rahi aseeron ki jo Shaam tak shareek e safar
Garoh e chaak gireban salam karta hay |