Ali walay hain ham ham ko mitanay kon aaye ga
Mawaddat ke charaghon ko bujhanay kon aaye ga
Ali ko tu ne mana hi nahi mushkil kusha waaez
Bata ab nazaa may teray sarhanay kon aaye ga
Payambar is liye bhi mutmayin thay jang e Khaibar may
Bhanwar may deen ki kashti bachnay bachanay kon aaye ga
Himayat ghasibon ki karnay walo kuch ye socha hay
Tumhay naar e Jahannum se bachanay kon aaye ga
Ghulaman e Abu Talib hain ham dekhain gay mehshar may
Wahan par kufr ke fatway laganay kon aaye ga
Abu Talib ke beton ki tarha Islam ki khaatir
Khud apnay khoon se maqtal sajanay kon aaye ga
Kaha ho ga Ali ke zakhm se girtay huay khoon ne
Rida e Zainab e Muztar bachnay kon aaye ga
Ali ne chahnay walon se shayed ye bhi poocha ho
Meray Shabbir ka lasha uthanay kon aaye ga
Tamachay Shimr ke kha kar Sakina roey gi jab bhi
Sakina ko sitamgar se bachanay kon aaye ga
Zafar meri tasalli ke liye maloom hay mujh ko
Meri turbat may bakhshish ke bahanay kon aaye ga |