Khoad kar nanhi lahad kehtay thay ye tashna kaam
Aey Ali Asghar meray teri shujaat ko salam
Jo hua nabyon se na wo kam ho tum kar gaye
Hamsari Akbar ki kar ke tum bhi naize par gaye
Kartay hain sab ambiya teri shahadat ko salam
Aey Ali Asghar meray teri shujaat ko salam
Teri ik muskan ne Hurmal ko pagal kar diya
Jo thi mushkil deen ki us ko tu ne hay hal kar diya
Deen ki hay tanweer t uteri hay jurrat ko salam
Aey Ali Asghar meray teri shujaat ko salam
Nana se hizyan ki tohmat dhonay walay aey sagheer
Nanhay se nazuk galay se toarr dala tu ne teer
Arsh ke kartay makeen hain teri azmat ko salam
Aey Ali Asghar meray teri shujaat ko salam
Hashmi hay khoon tu tujh sa jari koi kahan
Hain gawah teri shujaat ke zameen ye aasman
Khuda fazeelat karti hay teri fazeelat ko salam
Aey Ali Asghar meray teri shujaat ko salam |