Abbas kahan ho
Kehtay thay Sheh e deen mere Abbas kahan ho
Ro ro ke na mar jaye kaheen Zainab e muztar
Abbas kahan ho
Le jaoon may kis tarha jawan betay ka lasha
Maidan se tanha (x2)
Hathon se kamar tham ke kehtay hain ye Sarwar
Abbas kahan ho
Sab foje Khuda qatl hui raah e Khuda may
Is dasht e bala may (x2)
Marnay ke liye jata hay nanha Ali Ashgar
Abbas kahan ho
Jab mashk o alam laey thay ran se Sheh e wala
Ik hashr bapa tha (x2)
Noha tha yahe Zainab e dilgeer ke lab par
Abbas kahan ho
Jo koozay liye baithay hain rastay may tumharay
Seh roz ke pyasay (x2)
In bachon ka kia haal hay dekho zara aa kar
Abbas kahan ho
Mar jaye gi is dasht may ro ro ke Sakina
dushwar hay jeena (x2)
Do aa ke dilasa isay seenay se laga kar
Abbas kahan ho |