Nabi ke baad Ali ko sataya janay laga Gali may bandh ke rassi phiraya janay laga
Fidak to cheen liya hay Rasool zadi se Na janay kyun dar e Zehra jalaya janay laga
Hasan Hussain ke sar par tha jo falak ki tarha Jahan se Rabb e karam ka wo saya janay laga
Malookiat ki jahan may faroogh ki khatir Hasan ko zehr e hilahil pilya janay laga
Jahan pe ahle saqeefa ki khul gayi sazish Lahoo jab aal e aba ka bahaya janay laga
Meray Nabi ki shariat bhi khoon royi jab Namaz e Asr pe khanjar chalaya janay laga
Ghareeb e Zehra ka lasha karain gay ab pamal Tamam lasho ko ran se uthaya janay laga
Saja ke bairiyan Abid ne jis ko kalmago?? Usay bhi ghorron se paidal chalaya janay laga
Imam e Asr ki ankhon se khon baha Yawar Ali ki beti ko jab Shaam laya janay laga |