Efforts: Sania Rizvi
Saahil ki taraf dekh ke kehti thi ye Zainab
Abbas kahan ho meray Abbas kahan ho
Zainab ki yeh faryad hay daaman me chupalo
Abbas Sakina ko tamacho se bacha lo
Kehti hai Sakina ke ajab haal hay ajab haye
Kuze liye baithi rahi ammu nahi aaye
Baba bhi nahi kaun yahan humko bachaye
Ek baar isay dastey burida may utha lo
Seena isay baba ka mayassar nahi tabse
Zindan ki zamin par yeh agar soye toh kaise
Abid ki yeh zanjir pe sar rakhe huay hay
Le jao isay goad me bacchi ko sulalo
Zinda may zara chain nahi paati hai bachi
Dukh had se guzarta hay toh chillati hay bachi
Jab Shimr hay barhta to laraz jati hai bachi
Imdad karo bhai yateema ko dua do
Sar par mere chadar nahi kuch aas nahi hay
Maalum hay zinda mera Abbas nahi hay
Kehti hay Sakina ke mujhe pyas nahi hay
Mai kis se madad mangu Sakina ko sambhalo
Beemar madad is ki koi kar nahi sakta
Dar jati hai ye jab hay koi is ko jhidakta
Kano se lahu is ke abhi tak hay tapakta
Kehti hay chacha jaan mujhe paas bulalo
Chillati hay zindan me kidhar jaye Sakina
Aisa na ho tanhayi me dar jaye Sakina
Baba se judai may na mar jaye Sakina
Saahil se utho qaid se ab isko chudalo
Zindan me Zainab ki Qamar hay yahi faryad
Zinda na Sakina rahi itni hui bedar
Tadfeen ho kaise hay ke zanjeer may Sajjad
Mayyat ko Sakina ki koi badh ke uthalo