Efforts: Syed-Rizwan Rizvi
Aaj Kufay may Shabbir-o-Shabbar ro rahe hain
Baap ko apne Zehra ke dilbar ro rahe hain
Behrobar may hai ghul Aaj barpa wa ali ka
Aaj jibraeel arshe bari par ro rahe hain
Aaj Kufay may....
Aaj shehzadiyan hai pareshan shahe zeeshan
Uthke taskeen do behre daawar ro rahe hain
Aaj Kufay may....
Chorr kar humko baba sidhare be-sahare
Betiyan Fatima ki ye keh kar ro rahe hain
Aaj Kufay may....
hai yateemo ke bewaon ke waali shahe aali
Ab na waaris raha koi sar par ro rahe hain
Aaj Kufay may....
Hay janaze pe ek shor barpa bekaso ka
bBap se lipte shabbir-o-shabbar ro rahe hain
Aaj Kufay may....
Khaak udate hai sar par nawase mustufa ke
Ghar se jaata hai taboote hyder ro rahe hain
Aaj Kufay may....
Aey Himayat azadare hyder peet kar sar
Aaj is tarhe nohay ko sunkar ro rahe hain
Aaj Kufay may....