Nalay kartay thay Sheh e Karb o bala wa waila
Bhai darya pe mera mara gaya wa waila
Aaj bin bhai ka may ho gaya is sehra may
Qatl bhai mera aada ne kiya wa waila
Jis ki khaatir meray bhai ne kataye baazo
Mashk woh chid gayi aur paani bahaa wa waila
Dhara e ahle haram quwwate bazo Abbas
Koi pardes may mera na raha wa waila
Foaj e Shabbir ka thanda hua raiti pe alam
Ho gaya khatama e foaj e Khuda wa waila
Kis ka matam karon noha parrhon kis ko royon
Haey ghurbat may huay sab hi juda wa waila
Le ke halqay may alam laash ke badlay Zainab
Bibi kar kar karo faryad o buka wa waila
Kon halmin ki sada sun ke bachaye ga mujhe
Qatl honay lagay Akbar bhi chala wa waila
Dilbar e Fatima ki jaisi tamanna thi Anees
Waisay hi kartay hain ye ahle aza wa waila |