Zindan ke andhery may sehmi hui masooma Efforts: Mrs. Nighat Rizwan

زنداں کے اندھیرے میں سہمی ہوئی معصومہؑ ہائے اشک بہاتی ہے تنہائی کے عالم میں اک خوف زدہ بچی بابا کو بلاتی ہے خود سے ہی وہ کرتی ہے باتیں علی اصغرؑ کی اک لوری مچلتی ہے جب جھولے کی ماٹی پہ تصویر بناتی ہے دیکھا ہے سکینہؑ نے کوئی خواب ڈراؤنا سا بکھری ہوئی لاشوں میں لاشہ علی اصغرؑ کا یہ ڈھونڈنے جاتی ہے زنجیر علی عابدؑ کے جب دھوپ سے جلتے ہیں معصومہؑ کے پینے کو ہائے ملتا تھا جو پانی کڑیوں پہ گراتی ہے زنداں سے سکینہؑ کی آواز نہیں آتی دیکھو اے لعل میرے رو رو کے دکھی زینب ؑ عابدؑ کو بتاتی ہے کیا ظلم کیا ہوگا ملعون شمر تو نے تجھے دیکھ کے مظلومہ ؑ ہائے کانپتے ہاتھوں سے کانوں کو چھپاتی ہے نیزے پہ بھی غازیؑ کے نیچے ہے نظر اختر غیور کو سر ننگے اغیار کے مجمعے میں زینبؑ نظر آتی ہے