Bali sakina yehi karti thi ro ro fughaan
Hain meray ammu kahan hain meray baba kahan
Hone lagi dasht may shaame ghariban ayan
Hain meray ammu kahan hain meray baba kahan
Jaane kidhar aaj tak nasir-o-yawar gaye
Kaisi qayamat hui qasim-o-akbar gaye
Justujuye aab may saaniye hyder gaye
Nanhe mujahid ke saath sipte payambar gaye
Dhoond rahi hoo magar milta nahi kuch nishan
Hain meray ammu kahan hain meray baba kahan
Lashkare kuffar may dhoom hai kyon is khadar
Soch rahi hoo yahi aayi hai kaisi khabar
Chaak gareban kiye rota hai sab ghar ka ghar
Hosh kisi ko nahi kya karoon jaaun kidhar
Koi bataye mujhe kyon hai ye aagho fughaan
Hain meray ammu kahan hain meray baba kahan
Khaimo may be-izn hi aagaye sab ehle shar
Zulm ki had tod-di abide bemaar par
Lootli sar se rida lootke sab maalo-zar
Shimre layeen legaya cheen ke mere gohar
Jaake dikhaungi mai kaano se hai khoon rawan
Hain meray ammu kahan hain meray baba kahan
Pyasi hoon ye lafz hi lab pe na laaungi mai
Unki judaai ka gham kaise uthaungi mai
Maut se pehle unhe dekh bhi paungi mai
Jab bhi milenge mujhe unko bataungi mai
Maare tamache mujhe shimr ne di jhidkiyan
Hain meray ammu kahan hain meray baba kahan
Aur aneese hazeen haal kare kya raqam
Zulm ki jab sayliyan kha chuke ehle haram
Aale mohammad pe phir toota naya ek sitam
Dekho ke bacho may hai bali sakina bhito
Karti thi jo dam ba dam roke yehi ek fughaan
Hain meray ammu kahan hain meray baba kahan
|