Din dhala to rulanay ko sham aa gayi Efforts: Syed-Rizwan Rizvi

Din dhala to rulanay ko shaam aa gayi Zulm zainab pe dhaane ko shaam aa gayi Sab ko bichde huwe yaad aane lagay Phir dukhe dil dukhane ko shaam aagayi Din dhala to rulanay... Sooni godh ujhdi maang aur at-ash ki sada Sab ka sabr aazmane ko shaam aagyi Din dhala to rulanay... Kaun rokay na akbar na abbas hai Sheh ke qaimay jalane ko shaam aagayi Din dhala to rulanay... Aa rahe hai sakina ki jaanib adoo Kya tamache lagane ko shaam aagayi Din dhala to rulanay... Koi aaya na laashon pe ronay ko jab Khud hi aansoo bahane ko shaam aagayi Din dhala to rulanay... Saamne hai nazeer ek jalta makaan Kya bataun zamane ko shaam aagayi Din dhala to rulanay...