Hik saal de baad teda chehlum may veer manawan aaye aan Efforts: Faisal Safeer - Sargodha

ہک سال دے بعد تیڈا چہلم میں ویر مناون آئی آں تیکوں پرچاون آئی آں تیڈے چہلم دی مجلس تیکوں میں ویر سناون آئی آں تیکوں پرچاون آئی آں کہیں بھین کوں ویر دا چہلم نہ آوے قید دے وچہ میڈا ویرن ایں پاک دُعا تے تیڈے توں آمین آکھواون آئی آں کربل توں گھن کے شام تایں جہیڑے ظلم تھئے ہن قیدیاں تے اُوں ہر ہک ظلم دا چن ویرن میں حال سُناون آئی آں ڈہویں دے ڈیں توں ہُنڑتایں سجاد ؑ ودا ہے رت روندا تیکوں روندے ہوئے بچڑ ے دا میں جگرڈیکھاون آئی آں جہیڑے ٹُکڑے چنُڑ نے سنگیاں توں پُتراں دیاں لا شاں دے ویرن میں تیکوں تیڈے پُتراں دے ٹکڑے چُنڑواون آئی آں میں اکبرؑ پُتر کوں ملن کیتے پئی سکدی ہاں میڈا ویرن میکوں اکبرؑ پتُر ملا تیکوں سجاد ؑ ملاون آئی آں جہیڑے اُمتیاں تیڈی لاش اُتے ہن پتھر وسائے میڈا ویرن میں تیڈی لاش توں چن ویرن اُو پتھر ہٹاون آئی آں تیڈے نازک بدن دا چن ویرن کوئی کتھ ٹُکڑے کوئی کتھ ٹکڑے تیڈی لاش دے ٹکڑے چن چن کے ہک جا ہ دفناون آئی آں تیڈی دھی معصوم سکینہ ؑ دا کیاحال سناواں چن ویرن ہُنڑ تایں قبر اِچہ قیدی اے تیکوں ویر ڈساون آئی آں تیڈا میت نیں دفنایاکہیں نیں تیکوں کفن پوایا کہیں میں اپنی زخمی چادر دا تیکوں کفن پواون آئی آں ماں اُم البنین ؑ دے بچڑے داہر گھر تے علم میں لاآئی آں تیڈی قبر تے علم عباسؑ دا اَج میں ویرن لاون آئی آں فیصل مظلوم دی قبر اُتے کیتاوین اے اُم المصائب نے تیڈاچہلم کرن کیتے ویرن میں گھن بیوہ بھرجےآں