Ghar Fatima Zehra ka ajab shan ka ghar hay
Efforts: Syed-Rizwan Rizvi



Ghar Fatima Zehra(sa) ka ajab shaan ka ghar hay
Ye wahi ki manzil hai ye quran ka ghar hai
Islam kay mahaul main iman ka ghar hai
Momin ki munafiq ki ye pehchan ka ghar hai
Kuch log maray jatay hain is ranj o mahan main
Is ghar ka jo darwaza hai masjid kay sahan main

Allah nay is ghar ko nabuwat say nawaza
Duniya may isay deen o shariat say nawaza
Ismat say imamat say wilayat say nawazah
Har fard ko quran ki ayat say nawaza
Sanchay main mashiat kay yeh afrad dhalay hain
Sab chadar e tatheer kay saaey main palay hain

Yeh azm kay folad isi ghar main milengay
Yeh noor kay ajsad isi ghar main milengay
Jibreel kay ustad isi ghar main milengay
Is sath hai kay afrad isi ghar main milengay
Makhlooq ki bus akhari sarhad nazar aya
Jis fard ko dekha wo Muhammad nazar aya

Ashab mukarram hain magar apni jaga par
Ghair apni jaga lakhtay jigar apni jaga par
Khar apni jaga ghuncha e tar apni jaga par
Sang apni jaga lal o gohar apni jaga par
Pehlo main jo baitha ho usay dil nahi ketay
Rehro ko kabhi rehbar e manzil nahi kehthay

Allaha ray izzo sharaf e bint e risalat
Qandeel haram shammay shabistan e imamat
Rehmat jo Muhammad hain to yeh para e rehmat
Wo kullay nabuwat hain to yeh juzway nabuwat
Asan na kaho marifat e khatam rasul ko
Jo juz ko na samjha ho wo kya samjhega kul ko

Mumkin nahi ummat ka qoyas aal e nabi par
Yeh log alag log hai yeh ghar hai alag ghar
Is ghar kay to bachay bhi badal datay hain aksar
Insan ki taqdeer farishton ka muqaddar
Rahib ko kaee lal isi ghar say milay hain
Fitrus ko par o bal isi ghar say milay hai