Sakina dafn hoti hay
Efforts: Syed-Rizwan Rizvi

Pukari banu e muztar sakina dafn hoti hai
Utho ay khasimo akbar Sakina dafn hoti hay

Kahan ho fatema zahra kalaija katt gaya mera
Bahu ko thaam lo aakar Sakina dafn hoti hay

Kafan ke waaste paya badan ka ek phata kurta
Koee waris nahin sarpar Sakina dafn hoti hay

Khuda ke waaste logon mujhe bhi saat dafna do
Akeli kya karoon jeekar Sakina dafn hoti hay

Ye bachi kumbe waali hai bade nazon ki paali hai
May tanha chorr doon kispar Sakina dafn hoti hay

Khade kya karte ho logon mujhe bhi saat dafna do
Mujhe pursa do ror ro kar Sakina dafn hoti hay