Mola Hasan ne jo bar kar diya
Efforts: Syed-Rizwan Rizvi

Mola Hasan ne Sulh ka jo waar kar diya
Fatna gari ki chaal ko bekar kar diya

Nok e qalam se kar ke muafiq ka sar qalam
Ik fitnagar ko jeetay jee finnar kar diya

Mola se takht mang ke tu ne faqeer e Shaam
Khud hi bhikari honay ka izhar kar diya

Baiyat nahi karoon ga mera sar utar lo
Inkar kar diya to bas inkar kar diya

Hur ne laga ke nara e labbaik ya Hussain
Soye huay zameero ko bedar kar diya

Aagosh may sikha ke mujhe matam e Hussain
Bachpan may mujh ko maa ne azadar kar diya

Gulshan may Syeda ke jo pehli kali khili
Islam ka chaman gul o gulzar kar diya

Khushboo e khoon e shah e shaheedan ne hashr tak
Batil ka sans lena bhi dushwar kar diya

Mola Hasan ki chashm e inayat ne Sohail
Mujh ko bhi aik sacha qalam kar kar diya