Haq nibhana meray Hussain ka hay
Efforts: Syed-Rizwan Rizvi

حق نبھانا میرے حسینؑ کا ہے
غم منانا میرے حسینؑ کا ہے

بولی زہراؑ یہ اشک دو مجھ کو
یہ خزانہ میرے حسینؑ کا ہے

تم جسے آسماں سمجھتے ہو
شامیانہ میرے حسینؑ کا ہے

جب سے گھر میں سجے ہیں میرے علم
آنا جانا میرے حسینؑ کا ہے

رابطہ ماتمی گھرانوں سے
عاشقانی میرے حسینؑ کا ہے

اُگ رہا ہے جو بعدِ کرب و بلا
دانہ دانہ میرے حسینؑ کا ہے

روز پڑھتا ہوں سورۃِ رحمٰن
یہ ترانہ میرے حسینؑ کا ہے

یہ جو کعبہ ہے تم نہ سمجھو گے
گھر پرانہ میرے حسینؑ کا ہے

حر کے قدموں میں آ گئی جنت
جب یہ جانا میرے حسینؑ کا ہے