Haq ka irfan jo paaya to Ali yaad aaya
Efforts: Syed-Rizwan Rizvi

حق کا عرفان جو پایا تو علیؑ یاد آیا
دل میں قرآن بسایا تو علیؑ یاد آیا

آدم و نوح پیمبر ہو یا حضرت عیسیٰ
یونس و خضر ہو الیاس یا حضرت موسیٰ
وقت اِن پر بھی جو آیا تو علیؑ یاد آیا

گھر تھا اللہ کا موجود مکیں کوئی نہ تھا
کوئی آئے گا یہاں یہ بھی یقیں کوئی نہ تھا
در جو دیوار میں آیا تو علیؑ یاد آیا

سینکڑوں سورمہ تھے اور پہلوان ہزار
جو تھے خیبر میں سبھی یار مگر میرے یار
مرد کا ذکر جب آیا تو علیؑ یاد آیا

جسم اک اک سے دو ٹکڑے برابر دیکھے
خون کی بارش ہوئی اڑتے ہوئے سر دیکھے
رن میں عباسؑ جب آیا تو علیؑ یاد آیا

نیزہ و تیر و تبر کیا کوئی خنجر نہ ملا
لاکھ ڈھونڈا کہیں کفار کا لشکر نہ ملا
صاف میداں نظر آیاتو علیؑ یاد آیا

اپنا کچھ ہوش نہ تھا اتنی پریشانی تھی
غمِ دنیا نے مجھے گھیر لیا تھا پھر بھی
ہاتھ مومن سے ملایا تو علیؑ یاد آیا

یوں تو میں رٹتا رہا سارے سوال اور جواب
پر نکیرین نے تربت میں مجھے بہرِحساب
آکے جس وقت جگایا تو علیؑ یاد آیا

ذکر نبیوں کا سنا خوب یا کہ بارِ دِگر
میں نصیری تو نہیں خیر سے واللہ مگر
ذکر اللہ کا آیا تو علیؑ یاد آیا

جو کہ اقوالِ پیمبرؐ کو بھلا بیٹھے تھے 
ہم علیؑ کو بھی نہیں جانتے جو کہتے تھے
اُن کو مٹّی میں دبایا تو علیؑ یاد آیا

قلبِ باطل کو کئی ٹکڑوں میں بٹتے دیکھا
تخت کیا چیز ہے دربار اُلٹتے دیکھا
خطبہ زینبؑ نے جو سنایا تو علیؑ یاد آیا

شبِ معراج عجب بات ہوئی یا گوہر
سُن کے آوازِ خدا چونک اٹھے پیغمبرؐ
جب نظر کچھ نہیں آیا تو علیؑ یاد آیا

Haq ka irfan jo paaya to Ali yaad aaya
Dil me Quraan samaaya to Ali yaad aaya

Aadam o Nuh payambar ho ya hazrat Isa
Yunus o Khizr ho Ilyaas ya hazrat Musa
Waqt in par bhi jo aaya to Ali yaad aaya

Ghar tha allah ka maujud makin koyi na tha
Koyi aayega yahaan ye bhi yaqeen koyi na tha
Dar jo diwaar me aaya to Ali yaad aaya

Saikarron soorma thay aur pahelwaan hazaar
Jo the khaibar me sabhi yaar magar mere yaar
Mard ka zikr jab aaya to Ali yaad aaya

Jism ek ek se do tukre baraabar dekhe
Khun ki barsaat huwi urhte huwe sar dekhe
Ran me abbas jab aaya to Ali yaad

Neza o tir o tabar kya koyi khanjar na mila
Laakh dhundha kahi kuffar ka lashkar na mila
Saaf maidaan nazar aaya to Ali yaad aaya

Apna kuch hosh na tha itni pareshaani thi
Ghame dunya ne mujhe gher liya tha phir bhi
Haath momin se milaaya to Ali yaad aaya

Yun to mein rat ta raha saare sawaal aur jawaab
Par naqirein ne turbat me mujhe behre hisaab
Aa ke jis waqt jagaaya to Ali yaad aaya

Zikr nabiyon ka suna khub ya ke baare digar
Mein nuseri to nahi kheir se wallah magar
Zikr allah ka aaya to Ali yaad aaya

Jo ke aqwaale payambar ko bhulaa bethe the
Ham Ali ko bhi nahi jaante jo kehte the
Un ko miti me dabaaya to Ali yaad aaya

Qalbe baatil ko kayi tukron me bat te dekha
Takht kya chiz hai darbaar ulat te dekha
Khutba Zainab ne sunaaya to Ali yaad aaya

Shabe meraaj ajab baat huwi ya gohar
Sun ke aawaaze khuda chonk uthe payghamabar
Jab nazar kuch nahi aaya to Ali yaad aaya