Mola mola bol musalman Mola mola bol
Efforts: Syed-Rizwan Rizvi

مولا مولا بول مسلماں مولا مولا بول
مولا مولا بول مسلماں مولا مولا بول

نام محمدۖ جس طرح ہے رب کو نبیۖ کے پیارا
نام علی بھی اس طرح ہے رب کے نبیۖ کو پیارا
نقطہ نہیں دونوں پر کوئ دونوں ہیں انمول

مولا مولا بول مسلماں مولا مولا بول

ہجرت کی شب کون نبیۖ کے بستر پر ہے سویا
کون نبیۖ کے پاس غار میں چیخ مار کر رویا
کچھ تو سمجھ سے کام لے بھیّا من کی آنکھیں کھول

مولا مولا بول مسلماں مولا مولا بول

ہم ہیں در حیدر کے گداگر جو بھی چاہا پایا ہے
خود داری ہے اپنا وطیرہ ہاتھ نہیں پھیلایا ہے
ہم نہیں جانتے کیا ہوتا ہے کاسہ اور کشکول

مولا مولا بول مسلماں مولا مولا بول

چھوڑ چھاڑ کر ساری دنیا تو مجلس میں آۓ گا
اشک عزا کی کیا قیمت ہے تجھ کو پتا چل جاۓ گا
دونوں عالم تول جائيں گے ایک آنسو تو تول

مولا مولا بول مسلماں مولا مولا بول

خیبر و خندق بدر و احد یہ سب ہیں علی کے تحفے
کس نے سر میدان دیئے ہیں تیرے نبیۖ کو دھوکے
پڑھ تو ذرا تاریخ کھول کے کھل جاۓ گی پول

مولا مولا بول مسلماں مولا مولا بول