Na deen kuch hay na dunya hay Fatima ke baghiar
Efforts: Syed-Rizwan Rizvi



Na deen kuch hay na dunya hay Fatima ke baghiar
Jahan e kun may andhera hay Fatima ke baghair

Bata rahi hay zamanay ko aya e kausar
Kalam e paak adhoora hay Fatima ke baghair

Jo betiyon ke mukhalif hain aisay logon ne
Khuda ke deen ko samjha hay Fatima ke baghair

Ye aik maqsad e mairaj ho bhi sakta hay
Nabi ka dil nahi lagta hay Fatime ke baghair

Qasam Ali ki hay Mabood band kar day isay
Agar ye qalb dharrakta hay Fatima ke baghair

Nabi ka ishq wilaye Ali Hussain ka gham
Haqeeqaton se mubarra hay Fatima ke baghair

Har ik namaz may tasbeeh e Fatima parrhye
Namaz wagarna khasara hay Fatima ke baghair

Khuda ne aatish e dozakh banayi un ke liye
Ye deen jin ko gawara hay Fatima ke baghair

Chalo sawal karain chal ke Hur ki khidmat may
Huzoor kia koi tauba hay Fatima ke baghair

Zahoor e sani e Zehra ka ye sabab to nahi
Hussain reh nahi sakta hay Fatima ke baghair