Meray aaqa meri sarkar Imam e Zaamin
Efforts: Syed-Rizwan Rizvi

Meray aaqa meri sarkar Imam e Zaamin
Deen ke athwain sardar Imam e Zaamin

Khali daman kabhi jata nahi koi saail
Aisa hay aap ka darbar Imam e Zaamin

Aaye hain sajda e tazeem ada karnay ko
Shah e waala ke azadar Imam e Zaamin

Mil gaya mujh se khata kaar ko bhi ye aizaz
May bhi kehlaoon ga zawwar Imam e Zaamin

Aap ke shehr ke ik pal bhi nahi hoti hay raat
Aap ka naam hay zobaar Imam e Zaamin

Kis liye mangon duayain may shifa yabi ki
Hoon teray ishq may beemar Imam e Zaamin

Ambiya Aulia hooran e jinaa Jinn o bashar
Aap ke sab hain namak khawar Imam e Zaamin

Waasta de ke jo Masooma e Qum ka maanga
Lag gaye lafzon ke ambar Imam e Zaamin

Pesh karnay ke liye aap ko laaya hay Sohail
Apna duldasta e ashaar Imam e Zaamin