Teri laash ko may Asghar dafnayon ab kahan
Efforts: Syed-Rizwan Rizvi

Teri laash ko may Asghar dafnayon ab kahan
Dhondhain gay tujh ko naizay (x2) 
Charon taraf yahan

Jhoolay may ho raha hay kyun beqarar dekho
Karwat badal raha hay kyun bar bar dekho
Jab se suni hay is ne (x2)
Akbar teri azaan

Tera mazar beta hathon se may sajata
Afsoos meray Asghar majboor tera baba
Khud hi mita raha hay (x2)
Teri qabr ka nishaan

Manzar ye dekhtay hi arsh e bareen hila hay
Ghutno ke bal hay baitha chehray pe khoon mala hay
Sabir Hussain jaisa (x2)
Leta hay siskiyan

Nazuk galay pe wazni jo teer seh gaya hay
Hota nahi hay bas ye ghayyur sochta hay
Khaimo se cheekh sun ke (x2)
Kaheen aa na jaye maa

Saqleen jab bhi hoon gay zaahir Imam e aakhir
Rutba milay ga aala ham hoon gay un ke nokar
Asghar ke matami aur (x2)
Asghar ke noha khawan