Banaya Shah ne kaabay ka Kaaba Karbala may
Efforts: Syed-Rizwan Rizvi

Banaya Shah ne kaabay ka Kaaba Karbala may
Namazon nay bichaya hay musalla Karbala may

Sar e Karbo bala aisa kiya Sarwar ne sajda
Kiya kul ambiya ne aa ke sajda Karbala may

Ata kar di bulandi Sheh ne itni Karbala ko
Utar kar aa gaya arsh e mualla Karbala may

Sina par guftagu Shabbir ne jab ki Khuda se
To khud mairaj ne bhi sar jhukaya Karbala may

Zamana kar raha hay us ki paimayish abhi tak
Ali Asghar ne itna qad nikala Karbalay may 

Ali Asghar ne dunya ko sunaya muskura kar
Sabhi nabyon ki mehnat ka nateeja Karbala may

Yazidi khof se Karbo bala aatay nahi hain
Ye hay Abbas ki bahon ka pehra Karbala may