Isay samajh ke musalla namaz parrhta hay
Efforts: Syed-Rizwan Rizvi

Isay samajh ke musalla namaz parrhta hay
Hay Karbala yahan Kaaba namaz parrhta hay

Ye Karbala e Mualla to woh musalla hay
Ke jis pe arsh e Moalla namaz parrhta hay

Samajh ke naqsh e qadam ko hi janamaz e wafa
Jari ke qadmo may darya namaz karrhta hay

Hussain jaisa namazi kahan se lao gay
Hussain to sar e naiza namaz parrhta hay

Hay hukm e Rab ke abhi pusht se uthay na Hussain
Abhi Rasool ka sajda namaz parrhta hay

Kul ambiya jahan mil kar wuzoo bhi kar na sakay
Wahan Hussain akaila namaz parrhta hay

Dar e Batool musalla hay arsh walon ka
Yahan utar ke sitara namaz parrhta hay

Qamar pe hoti hay zanjeer jab bhi sajda kuna
Har aik khoon ka qatra namaz parrhta hay

Wafoor e shouq may karta hoon jab bhi may matam
Wajood saray ka sara namaz parrhta hay

Ye dekh kon ziada hay Karbala se qareeb
Na dekh kon ziada namaz parrhta hay

Aza ke farsh pe fatway na tu laga waez
Isi pe tera musalla namaz parrhta hay

Bili ki ye zameen e haseen hay Noor Ali
Ke jis pe tera qaseeda namaz parrhta hay

Khuda bhi raazi hay us se Hussain bhi raazi
Aza ke sath jo banda namaz parrhta hay

Zamana samjhay na mabood is ko Noor Ali
Isi liye mera Maula namaz parrhta hay

Bilal ki ye zameen e hasee(n) hay Noor Ali
Ke jis pe tera qaseeda namaz parrhta hay