Kar diya haq ne ye ailan Abu Talib ka
Efforts: Syed-Rizwan Rizvi

Kar diya haq ne ye ailan Abu Talib ka
Mohsin e deen pe hay ehsan Abu Talib ka

Doar e hazir ka Muslaman Abu Talib ka
Zikr sun kar he pareshan Abu Talib ka

Jo namak kha ke Muhammad ka kary haq na ada
Kaise manay ga wo farman Abu Talib ka

Sheikh may apnay gireban may pehlay jhanko
Baad may poochna eeman Abu Talib ka

Adq e Ahmed se zamanay ko ye milta hay saboot
Kis qadr pukhta hay eeman Abu Talib ka

Ulfat e Haider e Karrar hay jis ke dil may
Khuld may ho ga wo mehman Abu Talib ka

Apnay maa baap ki tazeem na ki ho jis ne
Kar nahi sakta wo samman Abu Talib ka

Jo Ali walay hain un ko hi mila karta hay
Sab ko milta nahi faizan Abu Talib ka

Ya Ali keh ke to dekho wo nazar aayain gay
Ye pata sab se hay aasan Abu Talib ka

Deen bachanay ki jo baat aayi to hanstay hanstay
Khandan ho gaya quraban Abu Talib ka

Ba Khuda hay wo muqaddat ka sikandar Meesam
Ho gaya jis ko bhi irfaan Abu Talib ka