Chairr diya hay zikr e Maula mimbar janay Haider janay
Efforts: Syed-Rizwan Rizvi

Chairr diya hay zikr e Maula mimbar janay Haider janay
Kufar hay gar ye ishq Ali ka, to kafir janay Hider janay

Bint e Asad to jayain gi har haal may Kaabay ke andar
Dar ho gi deewar kahan se, madar janay Haider janay

Ismael ye soch rahay thay kyun gardan par hath rakhon
Naad e Ali hay meri zubaan par, khanjar janay Haider janay

Mola teri shaan ke teray dushman ko bhi mushkil may
Majbooran kehna parrta hay, Haider janay Haider janay

Arifa e aijaz e Ali hain madar hain ummat to nahi
Bint e Asad ko fikr nahi ab, azdar janay Haider janay

Ham ko to bas itna pata hay sonay wala Haider tha
Lagnay laga wo kaisay Payamaber, bistar janay Haider janay

Shaam may aur Mairaj e Nabi may aik hi leja goya tha
Kis ne rakha hay kis ka parda, dukhtar janay Haider janay

Shair e Khuda ka pota hay ye keh kar maa ne bhaij diya
Larrta hay ab kaise ran may, Asghar janay Haider janay

Meer Hasan aur Sibt e Jafer banda e Haider hain dono
In ke kafan par likhwa dena, Nokar janay Haider janay