Kaabay ke baam o dar pe qayamat ka noor hay
Efforts: Syed-Rizwan Rizvi



Kaabay ke baam o dar pe qayamat ka noor hay
Wo noor jis ki aik jhalak koh e toor hay

Bint e Asad ko de diya dar ban ke raasta
Bejan patharon may bhi kitna shaoor hay

Wo naam e Murtaza meri aankhon ka noor hay
Quraan ke aayaton may jo nafs e Rasool hay

Ishq e Ali may haal e nusehri na poochiye
Aankhain qasoorwar hain dil be qasoor hay

Dharkan Ali khayal Hasan zahniyat Hussain
Har rukh se kainaat meri noor noor hay

Tarrpay na kaisay aaj bhi dushman Batool ke
Atki huay galay may Fidak ki khajoor hay

Beshak Rasool aap ne dekhay hain dono hath
Batlaye Ali se Khuda kitni door hay

Kaisi lughat banayi hay tum ne pas e ghadeer
Bakhin ka tarjuma to faqat jee hazoor hay

Ghalib nadeem e dost se aati hay booey dost
Ishq e Ali may ishq e Khuda ka saroor hay